Општина Тетово не го одбележа денот на општината 3-ти март, а нема најава дали и воопшто ќе се случи понатаму. Вообичаено се одржуваа свечени седници со цел да се оддадат признанија на личности, здруженија и институции за посебен придонес во афирмација на општината.
-Нема да има активности по повод Денот на општината, гласи краткиот одговор од општина Тетово на прашањето зошто е одлучено така.
Одбележување на овој ден немаше и во 2018 година, додека во 2019 се одржа. Во 2018 година причина беше тоа што немаше формирано мнозинство и избрано претседател по локалните избори во октомври 2017.
До 2002 година Ден на оштина Тетово се одбележуваше Денот на ослободувањето 19 Ноември. Од 2003 година за ден на општината се одбележува 3-ти март 1992 како датум кога е одржана првата седница на повеќе партиски совет на општина Тетово.
А.С
