Само неколку часа по отстранувањето на околу 100 метри кубни смет кај православните гробишта во Тетово таму повторно се фрла отпад на земја, па денес веќе се бележат неколку кубни метри ѓубре.
-Секој пат кога ќе се собере сметот од таа локација за неколку часа повторно се создаваат купишта иако нема контејнери, потенцираат од работната единица Комунална хигиена.
Таква беше приликата и во јуни кога дел од жителите на околната населба Певчина во стариот дел од градот започнаа иницијатива за уредување на просторот надвор од православните гробишта и отстрануавње на овој смет.
-Сметот постојано се собира но и продолжуваат несовесните постапки и фрлањето на отпадот. Ние и понатаму ќе треба да го подигаме сметот фрлен на земја, но за да се спречи треба санкции од надлежните комунални инспекции и полиција, потенцираат од „Комунална хигиена“.
Вчера со 10-тина камиони на 100 метри кубни смет беа отстранети од локација со неклку кратен пренос со камиони кои собираат по 12 метри кубни и возила со 8 метри кубни капацитет за носење на товар.
А.С