Низ Тетово во функција ќе бидат ставени новите 15 полуподземни контејнери, како и 100 контејнери добиени како донација од турска општина. За полуподземните контејнери се набавни и две специјални возила. Средствата од 28 милиони денари за набавка на полуподземни контејнери и две возила се добиени од остатокот од набавка на автобуси за јавен превоз во Тетово во 2019 година, вреден над 72 милиони денари.
-На 30.06.2022 година е направено примопредавањето на контејнерите и камионите, а веќе два дена истите се ставени и во функција. Главната цел на проектот е подобрување на комуналните услуги во општина Тетово преку Јавното комунално претпријатие. Проектот, покрај подобрување на услугите за граѓаните, ќе значи и чекор кон подобрување на капацитетите на ова претпријатие воопшто. Од 15-те полуподземни конјтенери осум контејнери се од 3000 литри и седум од 5000 литри, како и две специјални возила за третман на отпадот од овие контејнери, изјави градоначалникот Биљал Касами на денешната промоција.
Воедно Тетово доби и контејнери како донација од Општина Каратај, град Коња во Турција.
-Од општина Каратај град Коња, добивме донација од 100 контејнери за потребите на нашиот град, за која се направени сите предвидени процедури и истите од утре ЈКП може да ги стави во функција. Посветени сме максимално да го решиме еден од најгорливите проблеми на Тетово, децениското неупешно менаџирање со отпадот во градот. Ова за нас како локална власт е едно од најприоритетните прашања и чекор по чекор, со многу работа и труд, во ова ќе успееме, изјави Касами.