Црквата “Свети Атанасиј” во тетовска Брвеница го добива новиот лик откако во септември 2018 година започна проширување на објектот. Во изминатиов период се изградија дополнителни нови надворешни ѕидови лево, десно и напред пред вратата од црквата. Потоа се отвори кровот и се изгради купола и камбанерија кои што со лаци се поврзани со надворешните ѕидови. Викендов се се рушеле дел од старите ѕидови со цел да се создаде единствена внатрешност на црквата.
-Кај олтарот ништо не се менува, нема градежни работи, останува ист. Ќе се добие поширок наос (место за верниците во црквата при богослужба). Понатаму во предниот дел се планира продавница за свеќи и сувернири, а десно крстилница. Сето ова ќе биде во склоп на целата црква. Откако ќе се заврши со црквата ќе се работи надвор на партнерно уредување, изградба на нов базен за Водици и летниковци, да се подобри зеленилото со што дворот значително ќе се видоизмени-изјави протејереј Ивица Спасеноски, старешина на црквата.
Целосното проширување е овозможено со помош на донациите од верниците.
-Обезбедени се сите потребни средства за карабината со купола и камбанерија и сите градежни материјали како и прозорци. Во иднина ќе требаат средства за врати, за малтерисување и фрескоживописот и ентериерно уредување во внатрешноста на црквата, како плочки, лустери и друго. Поголемиот дел од средствата се обезбеден и од црковното настојателство благодарение на верниците од Брвеница кои 12 години досега дарувале и спонзорирале. Поголем дел дава Ратко Анѓелковски-Кифла, иницијатор за проширување на црквата-рече протојереј Спасеноски.
Во наредниот период ќе се следува осветување на крстовите на куполата и на камбанеријата.
