Во Градската болница „8 септември“ во Скопје починал 73 годишник од Тетово инаку хоспитализиран од 11 мај, информира Министерството за здравство. Тој е 15 смртен случај во тетовскиот регион поради Ковид-19.
Има еден нов заразен, а тројца излечени. Од вкупно 151 случај, 63 се водат како активни болни.
Во изминатите 24 часа направени се 512 тестирања, а регистрирани се 19 нови случаи во Македонија. Вкупната бројка на ковид дијагностицирани во нашата земја од почетокот на епидемијата изнесува 1858, бројката на оздравени пациенти е 1367, на починати е 110, а во моментов бројот на активни случаи во земјата изнесува 381. Оздравени низ Македонија се бележат 16 луѓе.
На Клиниката за инфективни болести и фебрилни во изминативе 24 часа примени се 5 нови пациенти, хоспитализирани се вкупно 46 пациенти. Во ГОБ „8 септември“ примени се 27 нови.
На инфективните одделенија во Тетово, Велес, Куманово, Охрид и Прилеп се хоспитализирани 49 пациенти, позитивни и сомнителни на ковид-19.
