Од денес започна реконструкција на булеварот „Видое Смилевски-Бато“, попознат како Индустриска улица поради што дел од делницата ќе биде затворена за сообраќај. Реконструкцијата се прави на потегот од улицата „Борис Кидрич“ до улицата „Илинденска“ во Тетово.
Полицијата ќе го пренасочува сообраќајот поради градежните работи.
-Делот на булеварот на кој ќе се изведуваат градежни работи во оваа фаза ќе биде затворен за сообраќај и сообраќајот ќе се пренасочува со полициско присуство и соодветни знаци, со цел непречено и безбедно движење на возилата и другите учесници. На ваков начин ќе се регулира сообраќајот и во наредните фази од реконструкцијата, зависно од планираната динамика на градежните активности, информираат од СВР Тетово.
Реконструкцијата на Булеварот „Видоја Смилевски-Бато“ во Тетово, ќе се одвива во текот на ноември и декември.