Советот на општина Тетово ја одржа 23-тата седница на која донесе одлука да се почнат урбанистички процедури со цел да се гради спортска сала во рамки на дворот на основното училиште „Андреа Савевски-Ќиќиш“.Предвидено е да има сала со вкупна површина од 1500 квадратни метри.
-Со оваа одлука ќе може да се започнат процедури и соодветна програмата за пренамена на земјиште на катастарска парцела број 13450, образложи раководителот на секторот за јавни дејности Ахмед Ќазими.
Советот донесе одлука да се прифати и предлогот на Секторот во градинките да се зголеми бројот на деца во групи согласно зголемување на капацитетите. Со новиот опфат бројката треба да достигне 1377 деца во градинките.
Советниците ги усвоија шест месечните извештаи за работа на работните едници „Водовод и канализација“, „Комунална хигиена“ и „Зелен пазар“ при Јавното Комунално Претпријатие „Тетово“. При тоа беше побарано обрзложение од директорот за состојбите околу пазарот каде се забележува недозволена продажба на тротоарите.
-Пазарот од 319 тезги во моментот издава 166. Бараме од инспекторите да ги отстранат тие кои продаваат на диво. Во крајна фаза на регулација сме на продавањето на улиците кои водат кон Жичарата и кон Арабати Баба Теќе. Предвидено е сите продавачи седум дена во неделата да може да продаваат во просторот на Воспитно-поправниот дом како затворен пазар, а не на улиците. Така ќе нема метеж на тие улици и нема да останува смет, објасни Џелал Цека, директор на ЈКП Тетово пред советниците.
Советниците донесоа одлуките за прифаќање на донации за Лето на тетовската култура, донација за пожарната како промена на член во управниот одбор на јавната установа за детски градинки. Изгласни беа и десетина одлуки за измена на урбанистичко планска документација.
