Не можевме да останеме рамнодушни на изнесените лаги, манипулации на фактите, искривувањето на реалната слика после проследната прес конференција на ОО СДСМ Тетово.
Секој прес сличен на претходниот, празни говори, чудни бројки и лажни податоци. Ако Владата трошешe пари за лубриканти, најверојатно далеку од очите на јавноста се потрошени и пари за розеви очила за членовите на СДСМ со огледа на фактот дека за нив е се розево и подруго не можеме да го објасниме говорењето за Утописка Македонија од страна СДСМ.
Прес конференцијата на “раководитеката” на комисијата за труд и социјала на OO СДСМ- Тетово Марија Исаевска Ристовска, тазе вработено лице пред шест месеци во Јавна установа меѓуопштински центар за социјална работа- Тетово како соработник-приправник со плата од 28.000 денари. Како што напоменавме и во неколку наши претходни излагања пред јавноста сите ваши нововработени партиски војничиња ќе ги гледаме на камера.
Почитувана Марија според последните податоци во моментов во државата живеат 500 илјади граѓани под прагот на сиромаштијата, што укажува на тоа дека бројката во последните две години откако е на власт актуелната владејачка гарнитура предводена од СДСМ и премиерот Зоран Заев е зголемена за фрапантни 100 илјади граѓани. Подобрување на животниот стандард има само кај членовите и активистите на СДСМ и нивните потесни семејства со вработување на два три члена од семејство, а за сите останати останува можноста да заминат од Македонија или да живеат во сиромаштија .
Почитувана раководителке на комисијата за труд и социјална политика на СДСМ, Ве прашуваме : Дали Јавната установа меѓуопштинскиот центар за социјална работа-Тетово е државна институција или институција сопственост (узурпирана) од СДСМ од која вие преку партиски прес ги повикувате граѓаните во таа институција за да им “помогнете”?
Дали одработувате за сопственото вработување или вработувањето на двете золви ?
ВМРО-ДПМНЕ по добивањето на довербата од граѓаните и враќањето на власт ќе провери дали при вработувањето се почитувале законите.
Со почит, ВМРО-ДПМНЕ ОК Тетово
