Општинскиот комитет на ВМРО ДПМНЕ од Тетово испрати соопштение до јавноста со реакција на состојбата со бездомните кучиња во градот.
-Во Тетово се почеста е глетката на глутници од кучињата скитници кои последниве денови сеат страв кај тетовци. Тие кучиња се причина за голем број напади и каснувања проследени со повреди. Долго најавуваната изградба на современ стационар за кучиња скитници по сите европски стандарди и намалување на бројот на кучиња во Тетово е проект на сегашнава власт кој не е реализиран до крај. Уште едно ЌЕ ветување кое не е исполнето, а граѓаните не прифаќаат парцијални решенија. Имено изградба на стационар и планирање на годишен буџет кој е премал за нормално функционирање, не го решава проблемот со кучињата, туку напротив решавање на проблемот со кучиња скитници е кога истите ќе ги нема по тетовските улици. Долгонајавуваниот успешен стационар за кучиња скитници ги потроши парите. Потроши 600.000 денари, а неодамна беше лиферувана вест дека биле третирани само 84 кучиња или во просек за едно куче се потрошени 7.142 денари.
Се отвора дилема зошто толку скапо чини третирање на едно куче и втората дилема како е избран субјектот односно ветеринарната амбуланта која ги трета кучињата. Ние сме целосно убедени дека Општина Тетово ниту се грижи за здравјето на тетовци, ниту пак превзема дополнителни обврски кучињата скитници да ги тргне од тетовски улици. Позагрижувачки е фактот што секојдневно агресивните кучиња скитници може да се видат во центарот на градот, градскиот пазар и околните улици, а надлежните од Општина Тетово не реагираат во нивно одстранување, иако помпезно го најавија и овој проект.
Дополнително може да се забележи дека од ден на ден расте бројот на кучиња кои се причина за сомнеж дека дел од овие кучиња се носат и се пуштаат од соседни општини. Дали повторно затајуват со работа инспекциите при Општина Тетово?Оваа појава јасно укажува на фактот дека надлежните органи докрај не ги спроведуваат законите и свесно дозволуваат тетовци да се најдат во опасност. Со лошо проектираниот Буџет, Општина Тетово нема капацитет хумано да ги третира кучињата во стационарот а што е уште далеку поважно да го реши проблемот на тетовци.
Надлежните од Општина Тетово не се одговорни и не се свесни колкава може да биде штетата доколку овие кучиња скитници нападнат дете или некое повозрасно лице. Тетово во овој момент ниту има европски лик како што некои го најавуваа ниту пак ќе има додека кучињата скитници се хранат од преполните контејнери со животински остатоци и коски, а граѓаните не се чувствуваат безбедно и слободно, се наведува во соопштението на ОК ВМРО ДПМНЕ