Општинскиот комитет на ВМРО ДПМНЕ од Тетово испрати соопштение до јавноста:
-Дали е вистина дека дел од раководството на ОО сдс Тетово, како и претседателот Бобан Видоески се “суспендирани” од нивните функции. Дали е вистина дека општинската организација во Тетово има “принудна управа” и “стечаен управник”. Имено, отсуството на претседателот и луѓе блиски до него од настани организирани од OO сдс Тетово фрла сомнеж дека истиот има поведено стечајна постапка на OO сдс Тетово. Ние како огранок сме загрижени за случувањата во сдс Тетово и сметаме дека е здраво за демократијата во Тетово да имаме политички противник, иако како партија, оо сдс Тетово секогаш губеле на сите избори од ВМРО ДПМНЕ. За да не шпекулираме сакаме јавно да прашаме што се случува со оо сдс Тетово на месец дена пред избори, затоа што тетовчани треба да бидат запознаени на овој или оној начин со работата на ОО сдс Тетово. Транспарентно е да се објави причината за ненадејното “исчезнување” на претседателот на ОО сдс Тетово? Дали ОО сдс е само уште еден “загубар”? Ако е така, која внатрепартиска инвестиција го загуши животот за сите?, се наведува во соопштението на ВМРО-ДПМНЕ ОК Тетово.
