Во соопштение до јавноста општинскиот комитет на ВМРО ДПМНЕ Тетово реагира на поставувањето камен темелник за изградба на базен во Тетово и при тоа го карактеризираат како популистичкиот мерка.
-Во Тетово поставен камен темелник за пливачки базен, веднаш до спортската сала која иако беше ветено за нејзина реконструкција на локалните избори, ден денес ни шајка не е удрено и е во уште полоша состојба. Овој чин беше камен темелник на една најобична популистичка пропаганда и евтин маркетиншки трик со кои се замајува народот пред избори. Владата предводена од СДСМ изминативе 3 години целосно заборави на Тетово и тетовско. Тоа ни го посочуваат жителите со кои секојдневно се среќаваме и разговараме.
СДСМ нема направено ниту еден проект за цел полошки регион. Граѓаните знаат, кога е ВМРО-ДПМНЕ на власт се носат странски инвестиции како фабриката Леар која вработува илјадници граѓани. Се градат патишта, училишта, инфраструктурни проекти. Имаме енергија, имаме многу проекти ќе биде подобро за сите од Тетово и тетовско, се вели во соопштението на ОК ВМРО ДПМНЕ Тетово.