Прес конференција одржа Дијана Војновска, член на извршниот одбор на општинската организација на СДСМ Тетово.
-Со почетокот на месец октомври стартуваше мерката за укинување на квотите за лекови на рецепт. Граѓаните сега имаат достапни лекови во текот на целиот месец без никакво ограничување.
Лековите кои се на позитивната листа на лекови од Фондот за Здравство може да се подигнат во секое време, секој ден од месецот. Повеќе нема потреба од складирање на лекови и правење “домашни аптеки”.
Стравот на граѓаните дека ќе останат без потребниот лек е минато. Го решивме деценискиот проблем со недостиг на лекови. Дополнително се обезбедени пет нови лекови за лица со ретки болести и три нови инсулини за пациентите со дијабетес, истакнаа Војновска.
Таа се осврна и на состојбите кај матичните лекари.
Од први октомври се зголеми и капитацијата за матичните лекари. Се покачија платите на здравствените работници, и тоа за 15% на докторите специјалисти и 10% на медицинските сестри.
За прв пат, приватните специјализанти се платени за својот труд. СДСМ е одговорна партија која преку своите политики и конкретни мерки работи во насока на унапредување на здравствениот систем.
Урнисаното здравство кое го наследивме од 11 годишното владење на ВМРО ДПМНЕ, за само 2 години успеавме да го рехабилитираме и да го изнесеме На Прав Пат, рече Војновска.