Прес конференција одржи Живе Алексовски од општинската организација на СДСМ во Тетово на која потенцираше за преземените инвестиции во патната мрежа.
-Инвестирањето во изградба и реконструкција на патна мрежа се реализираат со забрзана динамика. Во тек е рехабилитација на булеварот Видое Смилевски – Бато, за тетовчани познат како “Индустриска”, и тоа на потегот од улицата “Борис Кидрич” до улицата “Илинденска”. Илјадници возила минуваат преку текот на цела година, овој пат е доста фрекфрентен особено во летниот период.
Реконструкцијата на овој пат ќе се одвива во две фази. Првата фаза веќе е во тек, подразбира гребење на постоечкиот асфалт и санација на дупки. Втората фаза е поставување на нов асфалт. Со овие две фази се врши санација на оштетувањата предизвикани од поплавите во 2015 год. Средствата се обезбедени од буџетот на Јавното претпријатие за државни патишта.
Комплетната реконструкција и доизградба на булеварот Видое Смилевски – Бато се очекува да започне во месец март следната година, средствата се обезбедени од Светска Банка. СДСМ работи во интерес на граѓаните. Ја унапредуваме патната инфраструктура и обезбедуваме услови за безбеден сообраќај, истакна Алексовски.
