Кризниот при општина Тетово соопшти дека денес до Владата се испратени повеќе барања за одредени ограничувања во однос на заштитата на граѓаните од КОВИД 19. Меѓу барањата е целосен прекин на организираниот патнички превоз меѓу општините во полошкиот регион, што главно го вршат приватни превозници со автобуси и комбиња.
-Мерката за ограничување и прекин на организираниот превоз на граѓани треба да се направи според примерот на општина Куманово.Ова ќе придонесе за минимизирање и спречување на акумулацијата на граѓани во поголеми групи кои кружат од една до друга општина, а со тоа ќе се минимизира ризикот од нови случаи на КОВИД19 во овие општини, изјави денес Теута Арифи, градоначалничка на Тетово и раководител на Кризниот штаб.
Од Владата на Република Северна Македонија се бара модел за финансиска помош на вработените во ЈКП Тетово и Територијалната противпожарна единица, како и претставници од јавното претпријатие „Македонски шуми“ да излезат на терен за да се избегнат пожари на Шар Планина .
-Имајќи го предвид фактот дека противпожарните екипи од Тетово немаат пристап до овие планински терени за да реагираат навремено во време на пандемија на Ковид 19, кога воедно се ангажирани со дезинфекција на патиштата и јавните површини. Двете институции работат со зголемен интензитет на терен и институционалните приходи за покривање на платите се значително намалени, истакна градоначалничката Теута Арифи.
А.С
