Новопроектираната улица во блок 4 или кај Старата Циглана во долниот дел од населбата „Дреновец“ во Тетово е завршена со изградба по една година од пробивањето. Градоначалничката Теута Арифи денес увиде на самото место како се извршени градежните работи на улицата која е поплочена.
-Тука сме да го означиме завршувaњето на работите завршени 350 метри со ширина со 6 метри, со тротоари, со јавно осветлување, фекална канализација 250 метри додека цела вредност е 9 милиони и 500 илјади денари. За овој дел сметаме дека сме завршиле голема работа во однос на вредноста која е тука, а правиме проекции и за други проблеми во оваа населба, рече Теута Арифи.
За оваа делница минатата година жителите на населбата одржаа протест пред општинската зграда, по што по петнаесетина дена започна да се пробива улицата.
-Ова е добро за населбата, сме биле постојано во кал. Треба да се продолжи патот и понатаму. Уште има проблеми,изјави Бајрам Кучи, од месната заедница на Дреновец.
Градоначалничката смета дека оваа улица во иднина ќе се поврзе со булеварот Благоја Тоска кај касарната
-Каде што завршува патот до касарната па продолжува до оваа линија, сакаме што повеќе алтернативи за да ги изместиме автомобилите од центарот на градот. Исто така пред потпишување на договор сме со Светска банка за Индустриски булевар и со агенција за државни патишта разговаравме за да го проектираме продолжувањето на тој пат што се вика Ратајски пат за да после тоа со некои државен буџет да може да се буџетира бидејќи има регионално значење не е само локален пат. Оваа година ќе работиме на проектирањето а се надевам дека ќе имаме среќа да мобилизираме средства за тоа, рече таа.
На новинарско прашање кога ќе се реализираат повеќето најави за реконструкција на улицата Гоце Делчев која е руинирана а поврзува голем број населби, Арифи повторно со најава дека ќе се работи.
-Имаше повик од Министерство за транспорт и врски, затоа што заедно со Владата добија средства од Светска банка, кредитна линија. Каде што беа побарани проекти, Општина Тетово конкурираше со три проекти. Првиот од тие проекти е улицата Гоце Делчев со сите нишани, како што е ова тука и плус два локални правци. Проектити се комплетирани и немаат никаква мана и мислам дека ќе влеземе во буџетирањето и мислам дека и таму ќе имаме темелно решен проблем подземна и надземна инфраструктура, рече градоначалничката на Тетово.
