Здруженијата „Градот на пчелите“ и „Полошки мед“ се одлучија да подарат медот собран од учесниците на меѓународниот натпревар избор за квалитет на медот „Tetovo honey awards 2019“ што се одржа во неделата во Тетово. Над 400 теглички мед како подарок, двете здруженија одлучуја да им подарат на учениците од основните училишта Лирија и Братство Миѓени, групите со деца со пречки во развојот во градиката Тетекс, како и пионерските групи на ФК Шкендија.
-Ова недела им ја посветуваме на сите пчелари и пчеларки кои беа дел од натпреварот и секој од нив има дел за ова наша многу симпатична активност . Вкупно ќе се доделат 400 тегли со по 300 грама мед за децата и учениците од овие институции, рече Дритон Дикена од здружението „Градот на пчелите“.
-За време на доделувањето на тегличките ќе одржиме и предавања за придобивките на медот посебно кај децата во зимскиот период, изјавија Владимир Петровски од здружението “Полошки мед“.
Тегличките мед вчера беа подарени за учениците во ОУ Лирија, денес за младите фудбалери, во среда во ОУ Братство Миѓени и во четврток во групите со деца со пречки во развојот во градиката Тетекс.