Организацијата „Вешта Жена“ покрај натпреварите за готвење го проширува дејствувањето со активности од хуманитарен карактер, а за таа цел се оттвори и нова канцеларија во Тетово. Канцеларијата ќе биде место за координација, зачленување и комуникација со побараувачи на услуги.
-Се отвора канцеларијата поради потребата поврзана со активностите со хуманитарен дел-чување на деца и стари лица за што преку локалната самоуправа добивме проект кој се реализира. Обучени се 50 медицински сестри за чување на стари лица и деца до 2 години кои не се во можност да одат во градинка, изјави Снежана Стојановска, претседателка на Вешта жена.
Со оглед на примарната активност во подготовки и презентирање на готвени јадења, хуманитарната активност ќе се проширува од социјален аспект.
-Еднаш месечно тука ќе има настани во делот на надминување на сиромаштија и исхраната, рече Стојановска.
Претставнички на ограноци на „Вешта жена“ учествуваа и на годишното собрание на здружението со дневен ред- организација на манифестациите Вешта жена и Етно вешта жена, како и други настани како патувања и едукации. Канцеларијата е на булевар Благоја Тоска во близина на трговскиот комплекс Тетовчанка.
