Во просториите на Националаната установа „Уметничката Галерија Тетово“ вчера вечер беше свечено отворена првата самостојна изложба на иконографска резбарија на Мирче Аврамовски од Тетово. 34 годишниот автори пред тетовската јавност изложи 40 икони изрезбрани во ореово дрво.
-Од неговата 10-та година Мирче покажува интерес за уметноста. Пробувал разни техники, а на крај се одлучува за дрворезбрарија поточно на иконографија. Духовноста е повеќе од неопходна да се оствари и истата да тежи како уметничко дело. Преку дрворезбаријата како техника со тек на време Мирче прави серија од различни иконографии, дела кои се наоѓаат кај различни приватни колекционери, цркви и манастири низ цела Македонија. Дрвото е главен материјал кај делата на Мирче и сите знаеме за неговата важност и за отисоците на природата и за отисоците на самиот уметник. Ние му посакуваме успех во неговата струка и во животот, изјави Беса Даути, кустос во Националната установа „Уметничка Галерија Тетово“.
-На иконите се претставени светците во православната вера. Само за една резба се потребни во зависност од иконата, од еден до три месеци, истакна Мирче Аврамовски.
Иконите ќе бидат изложени една недела, односно до наредниот вторник 30-ти август 2019.