Во основно училиште Лирија во Тетово денес во употреба беа пуштени новите простории кои ќе ги користат паралелките со ученици со посебни образовни потреби. Станува збор за нов објект каде ќе има 2 училници, една креативна работилница и приемна канцеларија.
-Изградбата на објектот и опремувањето на внатрешноста е донација на компанијата Еколог. Со тоа компанијата и сопственикот Љазим Дестани покажаа општествена одговорноста и солидарност со децата кои учат тука. Огромна е благодарноста и до наставниците кои работат тука со оглед дека станува високо сензитивна работа. Со овој објект се заокружува процесот на реновирање на училиштето. Во текот на летото се санираше покривот и има нова фасада, истакна градоначалничката Теута Арифи.
Објектот е на приземје и има посебен влез.
