Дваесет и шест годишен жител на тетовско Порој рано утринава во СВР Тетово пријавил оштетување на негови две возила за што посочил жител на истото село. Тој исто така истакнал дека поранешни недоразбирања за имотно-правни односи се причина за инцидентот.
-Утринава околу 1 часот и 30 минути, Б.И.(26) од тетовски Порој во СВР Тетово пријавил дека на еден час претходно М.А.(36) од истото село му ги оштетил неговото патничко моторно возило „бмв Х6“ со скопски регистарски ознаки и товарно возило „ивеко“ со тетовски таблици, кои биле паркирани во дворот пред куќата, а потоа и стаклата од влезната врата на неговата перална. Според пријавеното, причина за оштетувањето биле нерасчистени имотно-правни односи.
СВР Тетово започна истрага и преземање мерки за целосно расчистување на случајот.
А.С