Вработените од Управата за хидро метеролошки работи (УХМР) во тетовската полиција пријавиле оштетување на инструмент-хидролошката станица на реката Вардар во Сараќино дел проект за рана најава и предупредување од поплави во горниот дел од сливот на реката.
Извесен период во Управата забележувале дека до нивниот систем не стигнуваат податоци од таа станица, по што направиле увид и констатирале дека апартатот не работи поради оштетување. Од таму апелираат да не се оштетуваат ваквите инструменти кои се од особено значење и важност за рано откривање и предупредување од поплави.
-За жал често се случува хидролошките станици да бидате мета на вандали и да бидат оштетувани или уништувани како што е случајот со хидролошката станица во Сараќино. На сликите се гледа дека станицата е оштетена од вандали со тоа е спречено нејзиното нормално функционирање. Од друга страна многу се важни ваквите видови на апарати за предупредвање од поплави за целото население. Овој инструмент е нaбавен со донација на УНДП. Буџетот на секторот за хидрологија за одржување е лимитиран и не сме во можност ваквите оштетувања самостојно да ги надоместиме, изјави Васко Стојов, раководител на одделние за хидрологија на површински води.
Во рамки на истиот проект поставени се и други станици во тој слив односно хидролошките станица Балин Дол, Јегуновце, Радиовце, Тетово, Теарце, Лакавица, Неготино, Боговиње и Орќуше, исто така донација од УНДП.
Тетовската полиција соопшти дека по пријавата, оштетувањето е фотодокументирано и се работи на откривање на сторителите.
А.С
