Голем интерес за средба со писателот и актер Чун Лајчи од Косово искажаа голем број тетовци од албанската етничка заедница за да ги набават една од неговите три книги кои тој ги промовираше на отворен простор.
Со писателот се сретна и разговараше ректорот на Универзитетот во Тетово, проф. д-р Вулнет Амети на штандот со книги пред Факултетот за уметности.
Лајчи во Тетово ги презентираше книгите „Копилиња“, „Кога дува ветер“ и „Изгорeн пергамент“, кои претставуваат пред се критика на политичките владетели.
-Мојата главна и примарна цел е да го заштитам мојот идентитет, мојата уметност, 55-те години со кои никој не се занимава со мојата генерација, па дури ни со новите генерации, бидејќи дојде време за луѓе кои гледаат само себе и својата моќ . Владетелите доаѓаат и се сликаат, но кога ќе излезат тие повеќе не се занимаваат со нас, туку само со своите џебови и алчност, изјави Чун Лајчи.
Тој е автор на 11 дела, а досега имал над 200 улоги во театарски претстави и филмови.
А.С
