Тетовската полиција бележи две сообраќајки со повредени лица, а во третиот случај е евидентирана пријава за намерен судир на возила по претходен инцидент.
-На булеварот „Маршал Тито“, кај Центарот за култура вчера околу 21 часот возило удрило во жени на 62 и 67 години-пешаци, по што едната од нив била повредена. Патничко возило „опел корса“, со тетовски регистарски ознаки, управувано од Ш.З.(53) од Тетово удрило во пешаците Е.А.(67) и Ф.М.(62), и двете од Тетово. По незгодата, на повреди се пожалила Е.А., која била пренесена во Клиничка болница Тетово за укажување на лекарска помош, соопшти СВР Тетово.
Претходно во текот на денот на ул.„171“ во Голема Речица имало сообраќајка на непознато возило, кое после ударот го напуштило местото на незгодата и мотоцикл „филјанг“, со тетовски регистарски ознаки, управувано од Б.А.(46) од Тетово, каде сопатник бил 12-годишник од с.Пирок.
-По незгодата, мотоциклистот и сопатникот биле пренесени во Клиничка Болница Тетово за укажување на лекарска помош, инфомираат од СВР Тетово.
Во полицијата има и две пријави од две групи лица за ист инцидент.
-Во 1.40 часот во Полициска станица Тетово А.М.(24) и Л.С., и двајцата од тетовското село Челопек, пријавиле дека околу 23.30 часот, додека се движеле со нивното возило „голф 6“ со тетовски регистарски ознаки по регионалниот пат Тетово-Јажинце, биле намерно удрени од Б.И. од Порој со возило ,,пасат“, со тетовски регистерски ознаки во кое има уште едно лице од исто место. Претходно околу 00.15 часот Б.И. од с.Порој пријавил дека во непосредна близина на бензинска пумпа во селото бил физички нападнат од лицето А.М. и уште две непознати лица. По насоки од Јавен обвинител се преземаат сите мерки и активности за целосно расчистување на случајот, при што ќе следи и соодветен поднесок, се вели во извесувањето од СВР Тетово.
А.С
