10 пешаци се повредени во Горно Орашје откако во нив удрило возило „Фолксваген Голф“ со тетовски регистерски таблици кое го управувал М.Ј. (61) од Мала Речица.
Како што соопшти денес СВР Тетово, со тешки телесни повреди во сообраќајката завршил 75 годишен жител на Јажинце (А.В) кој бил пренесен во Клиничката болница Тетово каде му е укажана лекарска помош. Со телесни повреди се и останатите пешаци, И.З.(76) од с.Непроштено, Џ.А.(58) од с.Доброште, Р.А.(73) од с.Орашје, А.А.(67) од с.Орашје, Р.М.(55) од с.Орашје, Ќ.М.(65) од с.Пршовце, А.А.(71) од с.Орашје, Б.Н.(46) од с.Орашје и С.Џ.(60) од Тетово.
Несреќата се случила вчера во 13 часот и 30 минути на локалниот пат во тетовско Горно Орашје.
Јована Костеска
