Во текот на вчерашниот ден полициски службеници го нашле моторно возило марка „Ауди А6“ во атарот на селото Стримница, инаку пријавено за украдено на 27 ноември на улицата Илинденска во Тетово, инфомираат денес од СВР Тетово. Возилото му било вратено на сопственикот.
Инаку при кражбата, 31 годишниот сопственик Х.К од Тетово се повреди во обид да го спречи одземањето на возилото.
Според првичните сознанија на полиција, човекот го оставил возилото марка ауди незаклучено со клучевите на бравата. Влегол во аптека, а на излегување забележал дека неколку лица веќе влегле во автомобилот и го стартувале. Тој се обидел да се фати за предниот од автомобилот, но непознатиот возач продолжил со управувањето по што 31 годишникот паднал и здобил тешки телесни повреди.
Од СВР Тетово апелираат граѓаните да не ги оставаат клучевите во возилата и истите да ги заклучуваат како превенција од кражби.