Превентивно-едукативно информативен проект„Паркирај прописно-овозможи нормален сообраќај“ заеднички од денес започнаа СВР Тетово, Општина Тетово и Републичкиот совет за безбедност во сообраќајот на патиштата.
Во рамките на овој нов проект кој ќе трае еден месец предвидени се повеќе разновидни содржини чија цел е да се да воспостави поголем ред со паркирањето пред се во централните подрачја на Тетово преку подигнување на нивото на сообраќајна свест и култура на сопствениците на моторни возила односно возачите.
-Во рамки на проектот предвидени се повеќе содржини или поконкретно ќе бидат поделени 500 флаери наменски изработени на македонски и албански јазик со пораки до возачите како прописно да ги паркираат нивните возила и да не се соочат со законски предвидени санкции. Покрај ова во текот на проектот еднаш неделно ќе бидат организирани ткн. сообраќајни поуки со прекршители за кои ќе има и писмени предупредувања доколку станува збор за поситни прекршоци, информираше Марјан Јосифоски, портпарол на СВР Тетово.
Покрај овие превентивни активности исто така во овој период ќе продолжат и ткн. репресивни мерки кои се преземаат континуирано во текот од минатиот, овој и нареднот месец.
-Ова до толку повеќе што во Тетово и Гостивар е значително зголемен бројот на моторни возила а со самото тоа и сообраќајната фреквенција во градските улици и на автопатот Гостивар-Тетово Скопје и магистралата Гостива Кичево. Посебни под лупа на полициските служебеници ќе се најдат сите оние кои ги паркираат возилата во ткн. двојни редови, во зона на крстосници, во зеленило и на други недозволени места, рече Јосифоски.
Тој повторно апелираше до сопствениците на моторни возила да ги паркираат прописно, а не каде ќе стигнат затоа што во спротивно ќе бидат санкционирани со изготвување на соодветени поднесоци и со парични глоби кои во зависност од тоа кога каде и како се паркирани возилата од изнесуваат 45 до 180 евра во денарска противвредност.
