Починат е 69 годишниот тетовец, чија ќерка преку социјалните мрежи алармираше дека не добиле лекарска грижа и испитување на коронавирусот за татко и кој бил на лечење во заводот за рехабилитација во Козле. Наташа Апостоловска сега бара да се спроведе истрага за смртта на татко и.
-Вчера вечер почина татко ми. Се надевам дека ќе спроведе истрага. Најжално е што поради тие лекари и јас и мајка ми се заразивме и позитивни сме, тие не преземаат ни морална обвврска, а ние ниту на погреб не може да му одиме на татко ми. Само за нас важат законите, прописите и упатствата, пишува денес Наташа Апостоловска на профилот на Твитер, означувајќи и прашувајќи ги министерот Филипче и Министерството за здравство.
Таа на 25 март алармираше дека во Заводот за рехабилитација во Козле каде бил од 9 до 23 март бил отпуштен без да биде тестиран за коронавирус. Поради симпоми бил хоспитализиран на 25 март во тетовско Инфективно одделение каде му е утврден КОВИД-19.
А.С