Министерот за локална самоуправа Горан Милевски денес присуствуваше на започнувањето на два два инфраструктурни проекти во Тетовско. Станува збор за реконструкција на локален пат во селото Јажинце до регионален пат Тетово-Јажинце и обнова и изградба на тротоари и дел од улица на дел од општинскиот пат Тетово-Требош (општина Желино).
-Изведувањето на овие работни активности на овој пат се од големо значење за жителите на селото Јажинце, од регионалниот пат до училиштето во селото. Со ова министерството ја реализира програмата за оваа година. Пред десет дена бевме на прва фаза на асфалтирање на патот до депонија Русино а денес да почнеме нов проект финансиран од Министертсвото за локална самоуправа преку од Биро за рамномерен регионален развој, во изведба на Полошкиот плански регион, изјави министерот Милевски.
Дарко Блажевски, градоначалникот на општина Јегуновце во чиј склоп е Јажинце истакна дека е огромно значењето што патот се реконструира поради можноста за побезбедно движење на ученници.
-Реконструкцијата ќе има на 370 метри должина и широчина од 3,5 метри. Од 2000 не беше направено ништо за овој пат но издејствувавме да има реализација, што многу значи за граѓаните на Јажинце и за дечињата кои одат во ова училиште. Изградбата ќе чини 4 милиони денари, рече Блажевски.
За обновата и изградба на тротоари и дел од улица на дел од општинскиот пат Тетово-Требош (општина Желино) министерот Милевски рече дека исто така ќе ја подобри комуникацијата на мештаните во таа општина.
-Иако се реконструираат тротоари ќе се прави и дел од улицата што многу ќе значи за жителите на регионот, за движењето од Тетово до селото, како и до училиштетото во Требош, со што ќе нема да се соочуваат со снег и дожд, рече Милевски.
Министерот рече дека од 7 милиони евра на располагање за сите осум плански региони, 5 милиони се инвестираат со сите региони, а 2 милиони за селата кои се во спефицични подрачја и со специфични потреби. На настаните присуствуваа директорот на Центарот за развој на Полошкиот плански регион Фатмир Саити и директорот на Бирото за регионален развој Рамиз Реџепи.