Во атарот на шарпланинското село Ѓермо денес започна да се врши пошумување на багремови садници како превентивна мерка и спречување на појава на ерозија на земјиштето и поплави во овој предел.
-Се работи на посадување на 30 илјади багремови садници на 10 хектари. Ние како ЈП „Национални шуми“ излегуваме на пресрет на сите засегнати општини каде има потреба да се изврши пошумување за општо добро. Ова е ерозивно подрачје и ќе работиме се додека не се санира целосно, изјави Зоран Георгиев, директор на претријатието.
Потегот од планинското село Ѓермо па до низинското село Порој близу Тетово важи за едно од најерозните места со чести поплави
-Се наоѓаме на ерозивно подрачје на атарот на реката Брза вода која историски секогаш прави проблеми на населнието и во Порој и Ѓермо. Затоа е за поздравување активноста на ЈП „Нациионални шуми“ за работа на овој атар. Се надеваме дека позитивно ќе влијание да се спречат ерозивните процеси и да ги заштити граѓаните на Порој и Ѓермо, изјави Хисен Џемаили министер без ресор во Владата.
Тетовската градоначалничкаТеута Арифи истакна дека како Полошки плански регион исто така работат на активности кои ќе придонесат за намалување на ризиците од ерозии и поплави во подрачјето.
А.С