Еден од нашите најпознати пејачи Влатко Лозаноски – Лозано утревечер (сабота, 2-ри јули) по тригодишна пауза повторно ќе се сретне со тетовската публика.
За тетовската публика, Лозано во повеќе наврати има кажано дека му е една од омилените, а познато е дека нашиот град има значајна улога во неговата музичка кариера, со оглед на тоа дека скоро сите негови песни се создадени во студиото на Лазар и Магдалена Ена Цветкоски.
Лозано ќе настапи во сабота во бар-ресторанот „Двор 21“, а за првпат тетовчани ќе имаат прилика да го слушнат во живо новиот хит на пејачот, „Ме нервираш“.
Покрај новата песна, публиката ќе има прилика да ги слуша во живо и големите хитови како „Километри“, „Јако, јако“, „Сонце не ме грее“, „Не те вадам од памет“, „Жена како ти“ и многу други…
Влезниците уште денеска се продаваат по цена од 250 денари, а истите може да ги најдете во „Двор 21“ и „Гранд тобако“. Во сабота денот и на врата пред концертот, тие ќе се продаваат по цена од 300 денари.
(ПР објава)