По 14-ти пат започна традиционалниот турнир во мал фудбал во Фалише
Традиционалниот турнир во мал фудбал во тетовско Фалише започна да се одржува по 14-ти пат. Вчера со почеток во 19 часот се одигра ревијален натпревар помеѓу екипите на Фалише и Сараќино, а потоа три дуели по групи.
-На традиционалниот турнир учествуваат 32 екипи поделени во шест групи. Ќе трае до 31 август. Овие денови Фалише живее за малиот фудбал. Турнирот со години наназад претставува можност за дружење и забава, со надеж дека најмладите ќе продолжат да го организираат и да ја продолжат долгогодишната традиција, изјави организиторот Марио Вељановски.
Натпреварите се одигруваат на игралиштето на спортскиот центар во Фалише во близина на училиштето.