Делегација на Стопанската комора на северозападна Македонија, предводена од претседателот Неби Хоџа, денес го посети Универзитетот во Тетово. Имаа средба со ректорот на Универзитетот во Тетово, проф. Д-р Вулнет Амети, проректор за меѓународна соработка, доц. Д-р Шефик Шеху, декан на Економскиот факултет, проф. Д-р Раман Исмаили и началникот на кабинетот на Ректорот, доц. Д-р Фатон Шабани.
-Ректорот ги информираше претставниците на Стопанската комора на северозападна Македонија, за активностите во текот на 2019 година, со посебен акцент на активностите што беа спроведени во декември во чест на 25-годишнината од основањето на Универзитетот во Тетово. Претседателот на Стопанската комора на северозападна Македонија, Неби Хоџа му честиташе на ректорот на УТ за достоинствено одбележување на 25-годишнината од основањето на УТ. Тој рече дека оваа јубилејна година ќе остане во сеќавање на сите Албанци за напорната работа направена со подигнување на статуата на првиот ректор, проф. Д-р Фадил Сулејман и монументалното обележје „Факелот на сеќавањето“, информираат од Канцеларијата за информирање при УТ.
На средбата се разговарало и за заедничките активности спроведени досега од Универзитетот во Тетово и Стопанската комора на Северо-Западна Македонија, во исто време, нагласувајќи ја потребата за продлабочување на соработката во иднина, создавање нови стратегии и можности за акција.