Тетовските полицајци вчера привеле 54 годишник од градот како осомничен за измама. Тој успеал да земе пари од 26 годишен жител на Седларево со кого првично разговарале за купопродажба на возило.
-Вчера околу 12 часот и 20 минути, на улица „Браќа Миладинови“ во Тетово, полициски службеници на СВР Тетово го лишиле од слобода 54-годишниот тетовец Ш.А. поради сомнение дека дента помеѓу 9 часот и 12 часот измамил 26-годишник од тетовско Седларево, од кого наводно сакал да купи возило. По што со друг изговор му побарал и добил извесна сума пари. Се расчистува и документира случајот и на Ш.А. ќе му биде изготвен поднесок по член 247 од Кривичниот законик, информира Марјан Јосифоски, портпарол на СВР Тетово.
Членот 247 од Кривичниот Законик ја опфаќа измамата како кривично дело, за што покрај парична казна предвиден е и затвор до три години.
ас