Вчера (11 февруари) во 22 часот во СВР Тетово, С.К.(45) и В.П.(51), двајцата од Тетово, пријавиле дека биле измамени од едно лице.
Според пријавеното, околу 15.40 часот лицето му се јавило на С.К., претставувајќи се како директор на тетовска фирма и побарало во неговиот угостителски објект да му резервира сала за забава, а воедно да ангажира фирма за декорација на салата и да ѝ плати.
Исто така, според пријавеното, С.К. ја ангажирал фирмата на В.П. и ѝ платил за услугата, а откако завршиле со подготовка на менито го побарал телефонски лицето, но тоа било недостапно и тогаш сфатил дека бил измамен. Се работи на целосно расчистување и документирање на случајот, инфомира денес СВР Тетово.
