Унијата на млади сили при ВМРО ДПМНЕ од Тетово организира проекција на македонскиот филмот „Исцелител“, а воедно и хуманитарна акција со цел посетителите да можат да донираат средства како помош за лекување на Елизабета Јовановска од Тетово. Проекцијата на филмот е бесплатна, а ќе се одржи на отворено во Музеј куќата на Јовановци во населбата Два Бреста во Тетово со почеток во 19 часот.
-Во дворот на Музејот ќе има поставено кутија каде ќе може да се остави помош на Елизабета Јовановска. Taa e 45 годишна невработена жена, сопруга и мајка на едно дете, која се соочува со потреа од средства за лекување на канцер на дебелото црево, потенцираат организаторите.
„Исцелител“ е филм за механичар од железничко депо, кој немајќи пари да купи лекови му дава на татко му колач направен од украдена марихуана за да му ги ублажи болките од рак, меѓутоа е притиснат од криминалците кои си ја бараат дрогата назад и соседите-душкала кои во него гледаат нова надеж, односно исцелител. Филмот е добитник на повеќе награди и признанија.
