Во организација на Движењето против коцкање во Тетово денес се одржа јавен протест во знак на како револт што се работи на власите дозволуваат отворање на казино пред една од тетовските градинки. Членовите на Движењето и поддржувачите денес го блокира сообраќајот пред градинката на кружниот тек на булеварот „Видоја Смилевски-Бато“ и улицата „Браќа Миладинови“.
-Ние како Движење против коцкање сме посветени, презедовме обврска и должност дека енергично ќе се бориме против понижувањето и уништувањето што ни се случува полека и трајно, затоа инсистираме на моделот на опстанок: почитување на актуелниот закон и затворање на сите објекти за игри на среќа до донесување на новиот закон прифатлив за граѓанинот порано во соседна Грчка,сега во Албанија и Косово а според информациите што ги имаме ќе биде донесен во Црна Гора. Не сакаме да бидеме дел од политичките конфронтации, иако нашата битка и видливост зависат главно од политиката, затоа ќе бидеме принудени да ги демаскираме двојните игри кој и да ги игра, како и да ја подигнеме свеста кај граѓанинот и родителите да бидат во одбрана нашите семејства, истакна Џемал Абдиу од Движењето на обраќањето при протестот.
Тој во изјава за медиумите истакна дека од ноември 2016 од кога почнале со иницијативата постојано се соочуваат со промена на власта и со тоа нова борба во насока да се донесе соодветен закон како да се спроведуваат игрите на среќа.
-Објектот близу универзитетот успеваме да не се отвори и оттогаш неколку влади се сменети. Секој предлог на закон за игри на среќа што се дава ни доаѓа секогаш полош и полош. Што значи тоа, не се прифаќаат барањата на Движењето Антикоцкање. Во моменти кога сме биле многу блиску веќе 2019 со другата Влада ни дава друг предлог. Тој предлог не ги исполнува никако нашите барање и затоа ние продолжуваме, рече Абдиу.
Тој објаснува дека не се согласуваат со актуелниот предлог објекти на игри на среќа да бидат на 500 метри подалеку од основно и среди училишта, туку од сите јавни обејкти.
-Наше барање и предлозите од порано што ги имавме сите вклучени сите институции од јавен карактер. Целта беше само да се внесат и други објекти како што верски објекти и центрите на градовите. Сега во овој случај сме многу далеку од нашите барање и најлошото е што во последниот предлог апсолутно и градинките не се вклучени и заради тоа денес протестираме. Ние не можеме во ситуација близу реклами за памперси да има реклама за казина, рече Абдиу.
Вработените во јавната установа детска градинка „Младост“ предводени од в.д директорот Буран Исени ја поддржаа оваа активност и беа присутни на протестот.
-Како установа детска градинка ние го поддржуваме овој протест бидејќи се работи за отворање на казино многу блиску до градинка. Активностите децата, кога е добро време ги одржуваат надвор од просториите, дворот на градинка и затоа ние сме против отворање на ова казино, изјави Буран Исени.
На протестот беше присутен и тетовскиот градоначалник Биљал Касами. Се обратија повеќе активисти на Движењето како и универзитетскиот професор Муса Мусаи.
ас