Националната установа „Музеј на тетовски крај“ овие два спроведува интерактивна едукативна работилница со наслов „Грнчарството-занает и уметност“ како дел од годишната програмска работа на институцијата. Беше ангажиран мајстор грнчар кој на ученици и го пренесе процесот на изработка на грнчарски производи теоретски и практично со можност дел од нив самите да изработат предмети од глина.
-Работилницата има за цел потсетување на начинот на изработка на предмети од глина, посочување на важноста на занаетот како извор на живот на поединецот и заедницата во минатото, неговата големина како етно обележје но и поттик за негување на традицијата од страна на младата популација. При подготовка на овој коценпт појдовна точка ни беше тоа дека занаетот порано бил многу развиен во тетовско како главна или дополнителна стопанска дејност на поедици или групи. Да не беше годинава со пандемија ќе биде едно големо дружење помеѓу школската популација во поинаков простор и повеќе време со натпреварувачки дух и слично, изјави Валентина Гавриловска, виш кустос-етнолог во Музејот.
Како се прави едно грне учениците ги запознаваше Слободан Столески од Вранештица, Кичево чие семејство со векови наназад се занимава со оваа дејност.
-Грнчарството е еден од најстарите занаети со оглед дека со илјадници години се користат земјените производи за домашна употреба како грнињата, стомните за вода и други. Занаетот е во изумирање, само малку луѓе го работат. Им пренесов на децата видат како се работи грнчарски производ на гранчарско тркало и покажавме филм како е процедурата. Од копање на глината во земја, потоа обработка на глината во работилница, обликување во предмети и завршниот дел кога се печат производите во фурната, изјави Столески.
Мотото на работилницата е „Животот мора да продолжи“.
А. С
