Во изминатите 24 часа предвидени за контрола за постапување по здравствени прописи за време на епидемија согласно член 206 од Кривичниот законик се откриени 14 лица кои на разни начини прекршиле полициски час и сличните прописи што претставува најголем број од почетокот на мерката на 22 март, информира денес тетовската полиција. За сите ќе има соодветен поднесок.
-Воедно по основата за проверка на задолжителното носење на заштита опрема со маски за лице издадени се предупредувања за 17 лица, соопшти Марјан Јосифоски, портпарол на СВР Тетово.
Во сместувачките капацитети на Попова Шапка во задолжителен државен карантин нема нови лица, а две лица поминле 14 дневниот период.
СВР Тетово регистрира 11 нови лица кои добиле решенија за изолација дома од Државен здравствен и санитарен инспекторат, а извршени се 66 контроли. Седум луѓе потпишале изјави за самоизолација дома, а извршена е контрола на 68 лица.
А.С