Дваесет и осумгодишник од тетовско село Џепчиште во СВР Тетово пријавил дека под закана со оружје насилно бил внесен во возило, а луѓето внатре за неколку минути подоцна го пуштиле да си оди. Настанот се случил вчера околу 20 часот кога 28 годишникот излегол од угостителски објект во селото.
-Откако насилно бил внесен во „Голф 7“ со скопски регистерски ознаки во кое се наоѓал 42-годишниот Ј.А. од тетовска Мала Речица и уште неколку други лица возилото се упатило кон населбата Дреновец во Тетово. Набрзо потоа 28 годишникот бил симнат од возилото. Нешто подоцна, Ј.А. самиот се пријавил во Полициската станица Тетово, информираат од СВР Тетово.
42 годишникот е задржан за целосно расчистување на случајот, а СВР Тетово најавува дека ќе поднесе соодветна пријава.