Секторот за внатрешни работи Тетово-Полициска станица за безбедност на патниот сообраќај Тетово, продолжува со засилени контролни активности за поголем ред со паркирањето во Тетово, информираат денес од канцеларијата за односи со јавноста.
Вчера ( 20 август ) во Тетово откриени се 12 погрешно и непрописно паркирани возила, кои биле санкционирани со исто толку поднесоци и кои биле подигнати од тетовската „пајак-служба“.
Покрај ова, откриени, исто така, се и 16 возила кои ја пречекориле максимално дозволената брзина, 8 возачи без положен возачки испит и други видови прекршоци.
Вчерашните прекршоци заокружени се со вкупно 43 поднесоци и 9 писмени предупредувања, информираше денес СВР Тетово.