Тетовската полиција информираше во текот на вчерашното попладне се преземени мерки за поголем сообраќаен ред на улицата „Иво Лола Рибар“ по јавните реакциите на родителите за небезбедност на нивните деца кои учат во ОУ „Гоце Делчев“ во Тетово. Овие активности ќе продолжат и денеска и во наредните денови.
-Во попладневните часови службеници на полициска станица за безбедност во патниот сообраќај попландевните часови презеле повеќе конкрентни мерки,за обезбедување на непречно движење на возила и пешаци долж улицата „Иво Лола Рибар“ која води кон ОУ „Гоце Делчев“. Поради непрописно односно погрешно паркирање биле подигнати шест возила, а преземени се и други мерки. Санкционирани се сопственици на возила оставени на места на кои не е дозволено паркирање, изјави Марјан Јосифоски, портпарол на СВР Тетово.
Дел од жителите на улицата реагираа по социјалните мрежи на овој потег на полицијата како несоодветен со оглед на немањето доволно паркинг места.
Од СВР Тетово потсетуваат дека полициското присуство наредните денови дополнително ќе се засили, со цел да се пресретнат или санкционираат евентуални проблеми од безбедносна природа и карактер. Според нив дел од жителите наместо во дворовите, возилата ги оставаат на улицата.
Според согледувањата на СВР Тетово, круцијален проблем за состојбите на кои реагираат граѓаните, претставува неадекватната инфраструктура на таа улица Тетово, која не е димензионирана и не одговара за постоечката и идна поголема фрекфренција на возила и луѓе.
