Тетовската полицијата информираше дека две лица се приведени во текот на вчерашниот ден.
Околу 11 часот, полициски службеници на СВР Тетово во Тетово го лишиле од слобода Е.М.(25) од тетовско Горно Палчиште, поради сомнение дека сторил кривично дело „фалсификување исправа“ и од кого со потврда му било одземено патничко моторно возило „фолксфаген голф“. Се работи на целосно расчистување и документирање на случајот.
-Во 14 часот, полициски службеници на СВР Тетово, на улица „Струшка“ во Тетово, го привеле 69-годишниот гостиварец Т.А., кој вербално се расправал со адвокат околу некакви документи, го попречувал влегувањето во адвокатска канцеларија и потоа одбил наредба на полициски службеници. Се расчистува и документира случајот и ќе биде изготвен соодветен поднесок, информира портпаролот на СВР Тетово, Марјан Јосифоски.
