Тетовскиот центар за јавно здравје бележи 7 нови случаи поради коронавирус во изминатото деноноќие. Вчера имаше само тројца заболени.
-Од седумте нови случаи 5 се во рамки на општина Тетово и по еден човек заболен од населените села во општините Желино и Боговиње. Сметаме дека има зголемување на бројките откако подолг период пред околу десетина дена имаше само по неколку случаи дневно. Зголемувањето се должни на одењето на летни одмори како и на не придржување на мерките за одржување на растојание, не одржување дезинфекција и лична хигиена, информира д-р Зорица Зафировска, специјализант по епидемиологија при Центар за јавно здравје Тетово.
Тетовската полиција и понатаму бележи казни за неносење маски за заштита од Ковид-19.
-Во текот на изминатото деноноќие, според статистиката на Секторот за внатрешни работи Тетово за неносење заштитни маски на 53 лица им се изготвени прекршочни платни налози, согласно член 6 од соодветната владина Уредба, информира портпаролот Марјан Јосифоски.
На 88 лица во изминативе 24 часа им се изготвени нови решенија за изолација од Државниот санитарен и здравствен инспекторат. Досега има 260 лица со вакви решенија.
А.С
