Вработените во тетовската секција на на Јавното претријатие за одржување и заштита на магистрални и регионални патишта Македонија пат деновиве започнаа со расчистување на каналот долж автопатот Тетово-Скопје што служи за одводнување на водена маса која се појавува на колозовните ленти. Освен од автопатната делница овој одводен канал служи да се отстрани водата и од регионалниот пат 1206 Тетово-Групчин односно стариот пат кон Скопје.
-Од петокот почнавме со расчистување на каналот долг 5 километри од Тетово до Желино. Претходно имаше и направено геодетски елаборат за да се види каде треба да се прави и нивелација за да може да се слева водата од коловозната лента кон каналот. Воедно се работи на отстранување на вегетација, отпадоци, земја и се што има за да функционира одвојувањето. Работите ќе се извршат во зависност од временските услови, изјави Дејан Јовановски од тетовската секција Јавното претријатие за одржување и заштита на магистрални и регионални патишта Македонија пат.
Во изминатиот период беше завршена постапката за менување на жичената ограда на релација Желино-Тетово на автопатот во должина од 3 километри и 500 метри. Менување на оштетена жичена ограда долж автопатот кон Гостивар ќе се одвива постепено и етапно. За тами освен на оштетените места на две локации има потреба од интервенција поради крадење на дел од оградата.
А.С
