Општина Јегуновце информира дека е започнато уредување на патот што води од село Јегуновце кон месноста Пештер. Со механизацијата на општинското јавно претпријатие „Јегуновце се расчистува градежниот шут и останат отпад долж патот, со што се создадени можности за негово проширување.
-Со помош на механизација патот кон „Пештер“ во понатамошна фаза ќе се прошири. Тоа е со цел непречено движење кон месноста „Пештер“ што од година во година претставува атрактивна туристичка атракција за општина Јегуновце. Упатувам апел до локалното население за поголема грижа и да не дозволиме да го загадуваме просторот кон „Пештер“, туку да придонесеме да ја заштитиме природата и туристичките места во општина Јегуновце, порача градоначалникот Димитар Костадиноски.
Месноста Пештер го добила името поради огромната вдлабнатина во карпестиот дел од планината Жеден која личи на пештера, долга и широка околу триесетина метри.
Воедно претставува археолошки локалитет т.е. некропола од доцниот среден век во тетовското село Јегуновце. Таму се наоѓа и новата црква Свети великомаченик Георгиј Победонесец , почната со градба во јули 2004 година, а осветена во јули 2019 година.
ас
