Пратеникот Александар Велјановски од ВМРО ДПМНЕ од Тетово информира дека собраниската комисија за финансирање и буџет денеска не прифати амандман со кој група пратеници бараат директно од буџетот да се одвојат средства за асфалтирање на патот до село Луковица.
Мештаните од Луковица во 2020 година самите собраа и платија речиси шест илјади евра за проектната документација со геодетски елаборат за да се асфалтира патот, но општината и Минситерството за транспорт и врски до сега не најдо решение за асфалтирање на патот
-По апелите и барањата на жителите на с. Луковица по втор пат заедно со пратеничката Дафина поднесовме амандман за обезбедување на средства од Буџетот за асфалтирање на патот до село Луковица општина Желино. За жал пратениците на СДСМ и ДУИ кои се членови на Комисијата за финансирање и буџет гласаа ПРОТИВ обезбедување на пари од буџетот за да се реши проблемот на жителите на Луковица, информираше пратеникот Александар Велјановски.
Во неколку наврати преку медиумите мештаните порачаа дека е крајно време да се најде решение и конечно да има асфалтен пат до нивното село. Потребно е да асфалтира од месноста Крстец до селото Луковица во должина 5,5 километри.