Во трите крводарителни акции што се организираа во текот на работната недела во Тетовско се собрани 38 единици крв. Акциите се организираа во зградата на Општина Желино во вторникот, каде се собраа 19 единици, во просториите на Служба за Трансфузиона Медицина во Клиничка болница во Тетово во средата каде се собрани 10 и во петокот во училиштето во Слатино каде се собраа 9 единици крв
Д-р Самет Адеми од службата за трасфузиологија изјави дека крводарителна акција во лето е потребна зошто не работат училиштата и факултетите, а потреба за крв секокаш има.
-За да не дојде со ситуација кога пациентот чека крв, подготвуваме вакви акции и земаме од дарителите. Се прави здравствен преглед и според можностите тие даруваат. Секој кој има волја може да дарува, треба да биде здрав и да нема хронични болести и да не прима лекарства. Дарувањето крв е здравје за самиот дарител, а од друга страна алтруистички-со давање крв се помага онаму каде има потреба. Има доволно крв во моментот, од сите групи, вели д-р Адеми.
Жител на тетовското село Теново со над 140 пати дарување крв е рекордер забележан во Службата за трансфузиона медицина во Тетово.
Александар Самарџиев
