Советничката група на ВМРО ДПМНЕ при Советот на општина Тетово на денешната 23-та седница ја актуелизираше потребата за одредување правилник со критериуми според кој ќе се одредува кој и колку треба да се добие финансиска помош од буџетот на општината. Советот и без нивните гласови и понатаму продолжи да доделува финансиска помош, иако претседателот признава дека тоа се врши само со одлука на Комисија.
-Бараме од советот да изработи правилник со кој што ќе ги утврди критериуми според кои ќе се одреди оваа финансиска помош затоа што на крајот од краиштата се работи сепак за пари на граѓаните на Тетово кои што општината ги собира преку даноци. Сметаме дека не е коректно овие средства да се доделуваат без никакви критериуми и затоа втора година по ред секоја седница бараме од адмнистрацијата на градоначалникот да го утврди овој правилник критериум согласно кој ќе се доделува финансиската помош. Затоа што нема утврден критериум односно не знаеме кој ја носи таа одлука за носење на средствата, истакна координатрото Александар Велјановски.
Претседателот на советот Беким Мемети истакна дека правилник се уште нема поради одредени точки.
-Ние неколку пати сме дискутирале, но не сме нашле конкретни правила, треба да се определат некои точки како да се доделува финансиска помош. Би било убаво да имаме правилник ќе биде полесно за комисијата и за советото полесно да одлучува, рече Мемети.
