Што побргу да се донесе одлука и датум за нови избори за Советот на Општина Тетово, побара досегашниот претседател на Советот на Општина Тетово Бесар Дурмиши по информациите во медиумите дека Владата донела решение за распуштање на тетовскиот совет.
Тој информира дека се уште немаат добиено официјално решение за распуштање на Советот од Владата. Според него ова најдобро решение за општината, бидејќи Советот не функционира и не може да носи одлуки. Седницата на 27 април не се одржи затоа што немаше мнозинство за да одлучува.
-Ние сега ќе чекаме од Талат Џафери претседателот на Собранието да ги распише изборите за локалната власт, ќе го видиме датумот кога ќе го каже. Најдобро за општината побрзо да се одржуваат локалните изборите пошто во многу работи општината не функционира како што треба без Советот, изјави Бесар Дурмиши.
Владата образложи дека Советот на ја донел завршната сметка до 31 март и затоа се носи решение за распуштање. Можно е изборите да бидат на 20 август кога ќе има гласање во други општини за градоначалници. Во досегашното мнозинството во Советот покрај Движење Беса, ВМРО ДПМНЕ, Алијанса за Албанците беа и двајца советници од иницијативата„Подобро за Тетово“.
