Поради состојбата со коронавирусот православните верници Воскрението Христово-Велигден ќе го дочекаат во своите домови. Со оглед на тие услови, од Тетовско-гостиварската епархија потсетуваат дека верниците со молитва и од дома може да учествуваат во одбележувањето на најрадосната вест-Воскрението Христово-Велигден.
-Се читаат молитвата Оче наш и Тропар на празникот на Воскресение Христово Велигден, а оние кои имаат духовен отец да го го исполнувааат Послушанието. Пред иконите дома да се запали свеќа и кандило, велат од тетовско-гостиварската епархија.
Тропар
Христос воскресе из мертвих, смертију смерт поправ, и суштим во гробјех живот даровав.
Христос воскрена од мртвите, со смртта смрта ја победи и на тие во гробовите живот им даде.
Оче наш,
Оче наш,
Кој си на небесата,
да се свети името Твое,
да дојде царството Твое,
да биде волјата Твоја,
како на небото, така и на земјата.
Лебот наш насушен дај ни го денес;
и прости ни ги долговите наши,
како што им ги проштеваме и ние на нашите должници;
и не воведувај нè во искушение, туку избави нè од лукавиот.
Зашто Твое е Царството и Силата и Славата, во вечни векови.
Амин!
